Nan liv Ezayi 29:13, Seyè a fè konnen pèp la onore li ak bouch yo, men kè yo lwen li, e Jewova Sus li menm te deklare nan Jan 4:23 vrè adoratè yo adore Bondye nan lespri ak nan verite.

Pafwa nou chante, oswa nou deklare Bondye, ou bèl, ou pwisan, ou se tout bagay pou mwen, elatriye. men èske nou vrèman kwè li? di ke Bondye ka fè nenpòt bagay se yon bagay, men kwè li se yon lòt.

Menm bouch ki di: « Bondye mwen ka fè tout bagay, Bondye m’ ap delivre m’ anba tout mal » ebyen, se menm bouch ki bay Bondye madichon lè tout bagay ale mal. Ou ka di tèt ou, mwen pa janm madichon Bondye. Men dout ke w kite lavi w anpwazonnen, laperèz ak enkyetid k ap ravaje w, èske se yon fason pou onore Bondye?

Yon vrè adoratè se yon moun ki kontinye kwè menm apre menopoz, menm nan vyeyès, Bondye pral bay timoun li te pwomèt la, dapre volonte l, e ki toujou sèvi Bondye fidèlman kòm premye jou.